SwissMicros

Warranty

Garanzia limitada da SwissMicros da TSCHINTG (5) ONNS. Questa pagina declera tge ch'è cuvrì e tge che n'è betg cuvrì, sco er co returnar in product per il servetsch.

Tge cuvra questa garanzia?

SwissMicros garantescha ch'il product da hardware ed ils accessoris cun la marca SwissMicros èn libers da defects da material e da fabricaziun, sch'els vegnan duvrads normalmain, durant ina perioda da TSCHINTG (5) ONNS a partir da la data da la cumpra originala al detagl tras l'acquirent final («perioda da garanzia»). Sche Vus vendais Voss product da hardware cun la marca SwissMicros u sche Vus al regalais, vegn la garanzia transferida automaticamain al nov possessur e resta en vigur durant la perioda originala da la garanzia limitada da TSCHINTG (5) ONNS.

Tge na cuvra questa garanzia betg?

Questa garanzia na vala betg:

  • per donns estetics, inclus, ma betg limità a, grattaduras e bugns
  • per donns chaschunads dad in accident, dad in abus, dad ina utilisaziun nunadequata, dal contact cun liquids, dal fieu, dad in terratrembel u dad autras chaschuns externas
  • per defects chaschunads da l'isanza normala u autramain da la vegliadetgna normala dal product da SwissMicros

Sche Vus inoltrais durant la perioda da garanzia ina pretensiun valaivla a SwissMicros, repara u remplazza SwissMicros il product da SwissMicros tenor ses agen giudicar.

Opziuns da spediziun per il return

  • Na ans tramettai nagut senza ans infurmar ordavant.
  • Clients da mintga lieu han la pussaivladad dad utilisar il transportader da lur tscherna per ans returnar lur empustaziun.
  • Tut las spediziuns ston vegnir francadas ordavant; pachets tramess cun pajament a la consegna (COD) vegnan refusads.
  • Spediziuns internaziunalas duain vegnir marcadas sco «Merchandise Return» (return da rauba).

Spediziuns postalas internaziunalas dovran ina decleraziun da duana. Per plaschair declerar sco «electronic parts, defective» (parts electronicas, defectusas) cun in valur bass, ma BETG NUL (p.ex. USD 10). Declerai in valur bass per evitar taglias d'import, uschiglio refusain nus il pachet.